يواسيني وانا الميت وحالي يجبــــــــر الدمعات ***تسيل من الذي فيني ويبكي وهو يواسيــــــني

وانا ابكي واتنهد وارسم بالحزن لوحـــــــــــــــات ***يجبروني عشان امشي ورجلي ما تمشينـــــي

قتلت رعايتي بيدي قتلت الحـــــــــب والرحمات ***حرمت النفس من حقها وانا ابكيها وتبكينـــــــي

وكنه حلم قدامي يقــــــــــــيدني من الصرخات ***ابي اصحى ولكني عجزت القى ال يصـــــحيني

فداك القــــلب يايمه ومـــــــهما قلت من كلمات ***صغيره في كبر حقك بس اتمنى تعذريـــــــــني

نهبت الفرح من بيتي صحيح اني خسيس الذات ***صحيح اني ولد طايش وكل ما أسمعه فينـــــي

تجول عيونهم فينـــــــــــي تفصل مني قياسات ***وتشيح وجوههم عني وكني غيرت ديــــــــني

يظنوا حزنهم اكبر وهم اصــــــــــحاب هالمأساة ***وانا اتحدى اذا فيهم ربع ما يحترق فينـــــــــــي

نقص قدري بعد موتك وغابت نشــــــــوة اللذات ***وصار الهم عكازي اباكيه ويباكيـــــــــــــــــــــني

عطيتيني بدون حساب ولا سمعتك تقولي هات ***وانا اشرب حيل من دمك ودمك ما يكفــــــــيني

يايمه ارجعي كافي ابجلس معك لو لحــــــــظات ***واقبل ايدك ورجلك وافرش لك رمش عيـــــــني

يايــــــــــــــمه ما تحملهم يقولوا فات ما قد مات ***تعالي غيري هالقول واطيعك باقي سنينــــــي

واترك عادة التــــــــدخين وانفذ ما تبي بسكات ***واصلي الفجر في المسجد قبل منتي تصحيني

يايمه ارجعي تكفيــــــن وطفي شمعة الآهات ***ابيك انتي ولا غيرك على موتك تعزينــــــــــــــي

وضميني وداويني مثـــــــــل ما كانت الهقوات ***ما ابي احدن يواسيني ابيك انتي تواسينــــــــي

دخيلك بس لا تبكي اذا شــــفتي بي الدمعات ***انا مقوى ابكيك اذا انتي تبكيـــــــــــــــــــــــني ..

سلمت وننتظر من المزيد مما يثلج القلب

مع الأسف هذا الشعور جاء متأخراً .... ولكنه ( على ما يبدو ) فجّر موهبة كامنة .
فقد صوّر شعوره ومدى أسفه لدرجة أن القاريء يتعاطف معه , وان كان مذنباً .

جاء هذا التعليق متأخرا بسبب مشاغل مدير المنتدى لمدة شهرين ماضيين وابتعاده عن النت وعن متابعة المنتدى طوال تلك الفترة إلا أنَّ هذا لايعني عدم الاهتمام بجميل ما يكتبه الاعضاء الاعزاء